Páxinas

Amosando publicacións coa etiqueta textos da vida cotiá. Amosar todas as publicacións
Amosando publicacións coa etiqueta textos da vida cotiá. Amosar todas as publicacións

A entrevista de traballo I





DÚAS TAREFAS:

* Estas dúas tarefas son para a segunda sesión de clase da semana, realízaas sen buscar información complementaria, só con aquelas ideas que a ti se che ocorran.

1. Ás 16:00 do martes recibes unha chamada, confirmándoche que entraches nunha fase de selección previa e que o mércores ás 16:00 terás unha entrevista de traballo para a oferta de emprego que seleccionaches no xornal (no exercicio 4 da páxina 94 do libro de texto).
Redacta no teu caderno todo aquilo que farías antes de comezar a entrevista. Pídese que a resposta sexa redactada, non en forma de esquema. Non esquezas repasar o escrito e buscar no dicionario aquelas palabras que descoñezas ou sobre as que teñas dúbida.

2. Despois de coñecer os tipos de contrato laboral, o currículo e a carta de presentación, agora tócache a ti facer de persoa empregadora. Ás 16:00 do mércores terás unha entrevista coas persoas candidatas ao posto de traballo que quere cubrir a túa empresa (o mesmo que elixiches no exercicio 4 da páxina 94 do libro de texto).
Redacta no teu caderno a entrevista que lles vas realizar ás persoas candidatas. Ten en conta que as túas cuestións deben ter en conta o posto de traballo de que se trate e mais o tipo de contrato que desexes realizar. Non esquezas repasar o escrito e buscar no dicionario aquelas palabras que descoñezas ou sobre as que teñas dúbida.

*Queda anulada a actividade do Instagram.
** Elimináronse todos os comentarios en castelán, a lingua vehicular deste blog de aula é o galego. De agora en diante non se publicarán comentarios sen identificación.

DOCUMENTOS DA VIDA COTIÁ: O CONTRATO LABORAL 1

Viñeta de Luis Davila.


CONTRATO DE TRABALLO EN PRÁCTICAS

Páxina 1

Páxina 2

Páxina 3

Páxina 4
Páxinas 5 a 10: conteñen as distintas cláusulas específicas.

Páxina 11




*Algúns dos datos requiridos nas respostas non están contidos no documento e deberán buscarse noutras fontes de información.

1. Este contrato ten 7 partes, completa o esquema:
  1. Tipo de contrato

  2. Datos da conta de cotización


  3. Cláusulas


2. Que significan CIF, NIF e NIE? Que nome reciben este tipo de palabras?
3. Que é a razón social dunha empresa? E o seu enderezo social?
4. O contrato esténdese por triplicado. Indica para quen é cada un dos tres exemplares.
5. Que significa que o/a traballador/a “reúne os requisitos esixidos para a celebración do presente contrato”?
6. Cal é a diferenza entre a xornada de traballo a tempo completo e a tempo parcial?
7. Que é a retribución total?
8. Que significa que a empresa á finalización do contrato estea obrigada a expedir un certificado? Que significa expedir? Que é un certificado? Que se ten que facer constar nese certificado? Ten algunha vantaxe para o/a traballador/a?
9. Que é a vixencia do contrato?
10. Quen ten que asinar o contrato? Onde se asina?